22 сентябри соли 2023 Ваколатдор оид ба ҳуқуқи кӯдак дар Ҷумҳурии Тоҷикистон, аз “Маркази Дастгирии оила ва кӯдак” №1-и шаҳри Душанбе боздид ба амал оварданд Хонаи кӯдакон барои ноболиғони синнашон аз рӯзи таваллуд то ҳафт сола ба инобат гирифта шудааст.
Айни замон 69 кӯдак ба нигоҳубин фаро гирифта шуда, онҳо вобаста ба синну сол ва маъюбият ба 7 гӯруҳ ҷудо карда шудаанд.
Зимни боздид Ваколатдор оид ба ҳуқуқи кўдак бо шароити зисти кўдакон, таъминоти онҳо бо ғизо, муносибати кормандони муассиса бо кўдакон, шароити кори кормандон аз наздик шинос шуд.
ҳамчунин Ваколатдор оид ба ҳуқуқи кўдак бо ҳайати роҳбарон ва кормандони муассиса вохурда, оид ба ғамхории Асосгузори сулҳу Ваҳдати миллӣ, Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон нисбати кўдакони ятиму бепарастор ва маъюб суҳбат намуда, ба ҳозирин дар бораи ҳуқуқҳои кӯдакон маълумот дод. Дар охир Ваколатдор оид ба ҳуқуқи кўдак ба кормандони муассиса барои ғамхорӣ нисбати кӯдакон изҳори миннатдорӣ намуда, ҷиҳати боз ҳам беҳтар ба роҳ мондани фаъолият ба масъулини соҳа маслиҳатҳои дахлдор доданд.
