Аз 14 то 19 апрели соли 2025 муовини Ваколатдор оид ба ҳуқуқи инсон - Ваколатдор оид ба ҳуқуқи кӯдак дар Ҷумҳурии Тоҷикистон Бобоҷонзода М. ҷиҳати идомаи таҷрибаи самараноки доир намудани вохӯриҳо бо намояндагони мақомоти маҳаллии ҳокимияти давлатӣ, сохторҳои ҷомеаи шаҳрвандӣ, қабули шаҳрвандон ва вохурӣ бо аъзоёни комиссия оид ба ҳуқуқи кӯдак ба ноҳияҳои Ҷайҳун ва Панҷи вилояти Хатлон сафари корӣ анҷом дод.

Сафари мазкур бо мақсади тақвият додани ҳамкориҳо бо мақомоти иҷроияи маҳалии ҳокимияти давлатӣ дар самти ҳифз ва пешбурди ҳуқуқҳои кӯдак дар доираи амалисозии Нақшаи кории Комиссияи назди Ҳукумати Ҷумҳурии Тоҷикистон оид ба ҳуқуқи кӯдак барои соли 2025, Стратегияи фаъолияти Ваколатдор оид ба ҳуқуқи инсон дар Ҷумҳурии Тоҷикистон барои солҳои 2021-2025 ва Барномаи амали мақомоти Ваколатдор оид ба ҳуқуқи инсон барои соли 2025 сурат гирифт.

Зимни сафарҳои корӣ бо раисони ноҳияҳои зикршуда ва муовинони соҳавии онҳо оид ба масъалаҳои ҳифзи ҳуқуқи кӯдакон ва мушкилоти дар ин самт мавҷуда суҳбатҳои алоҳида гузаронида шуда, вохӯриҳои мутақобилан судманд бо иштироки масъулини шуъбаҳои маориф ва илм, тандурустӣ, ҳифзи иҷтимоии аҳолӣ, мақомоти ҳифзи ҳуқуқ, комиссияи маҳалӣ оид ба ҳифзи ҳуқуқҳои кӯдак, раисони ҷамоатҳои шаҳраку деҳот, сохторҳои ҷомеаи шаҳрвандӣ ва воситаҳои ахбори оммаи маҳаллӣ баргузор гардиданд.

Дар доираи вохӯриҳо оид ба сиёсати давлатӣ дар самти ҳифзи ҳуқуқҳои кӯдакон, амалишавии Конвенсияи СММ оид ба ҳуқуқҳои кӯдак ва протоколҳои иловагии он, вазифа ва нақши Ваколатдор оид ба ҳуқуқи кӯдак, муқаррароти қонуни Ҷумҳурии Тоҷикистон “Дар бораи ҳифзи ҳуқуқҳои кӯдак”, “Дар бораи масъулият барои таълиму тарбияи кӯдак” “Дар бораи пешгирии зӯроварӣ дар оила”, эҳтироми фикри кӯдакон дар раванди ҳаёти оилавӣ, аҳамияти таълиму тарбияи кӯдак дар оила дастрасии кӯдакон ба таҳсил, хадамоти тандурустӣ, ҳифзи иҷтимоӣ, мушкилоти кӯдакони бо қонун дар мухолифатбуда, таҳсилоти кӯдакони дорои маъюбият ва дигар масъалаҳо мавриди баррасӣ ва муҳокима қарор дода шуданд.

Бо натиҷагирӣ аз фаъолият ва таҳлили вазъи риояи ҳуқуқу озодиҳои кӯдакон ва таъмини манфиатҳои қонунии онҳо метавон хулоса намуд, ки соли 2024 як марҳилаи бисёр муҳим дар таҳкими сиёсат, қонунгузорӣ ва амалияи ҳуқуқтатбиқкунӣ дар соҳаи ҳифз ва рушди кӯдак ба ҳисоб меравад.

Қабул ва мавриди амал қарор гирифтани қонуну муқаррароти нав ва ҳуҷҷатҳои банақшагирии стратегӣ дар самти ҳимояи кӯдак, ҳифзи кӯдак аз зӯроварӣ ва таҳдиди истифодаи зӯроварӣ, манъи шаклҳои бадтарини меҳнати кӯдакон, таҳкими таълиму тарбияи кӯдак, ҳуқуқи кӯдак ба таҳсил, муроҷиати ноболиғон ва ба инобат гирифтани фикри кӯдак танзими ҳуқуқӣ ва иҷтимоии рушди кӯдаконро ба сатҳи нисбатан нав бароварданд.

Дар ин робита, фаъолияти механизмҳои миллии кор бо кӯдак, аз ҷумла Ваколатдор оид ба ҳуқуқи кӯдак дар Ҷумҳурии Тоҷикистон тавсеа ёфта, ҷиҳати тақвияти иқтидори механизмҳои миллӣ ва ҳамкорӣ барои кӯдакон, таҳкими қонунгузории соҳаи кӯдак, барқарор намудани ҳуқуқҳои вайроншудаи кӯдакон, баланд бардоштани маърифати ҳуқуқии кӯдакон, намояндагони қонунии онҳо ва аҳли ҷомеа, ҳифзи ҳуқуқҳои кӯдак ба таҳсил, ба тарбия дар оила ва дар низоми адолати судӣ мусоидат карда шуд.

Муфассалтар...

ДУШАНБЕ, 07.03.2025 /АМИТ «Ховар»/. Имрӯз дар мақомоти Ваколатдор оид ба ҳуқуқи инсон дар Ҷумҳурии Тоҷикистон ба ифтихори Рӯзи Модар ҳамоиши идона баргузор гардид. Дар ин хусус ба АМИТ «Ховар» аз хадамоти матбуоти ин мақомот хабар доданд.

Ваколатдор оид ба ҳуқуқи инсон дар Ҷумҳурии Тоҷикистон Умед Бобозода иброз намуд, ки бо шарофати Истиқлолияти давлатӣ ва сиёсати хирадмандонаи Президенти Ҷумҳурии Тоҷикистон муҳтарам Эмомалӣ Раҳмон дар мамлакат барои баланд бардоштани мақоми зан дар ҷомеа ва таъмини ҳуқуқу имконияти баробари мардону занон пайваста тадбирҳои назаррас анҷом дода мешаванд.

Муфассалтар...

Ҳамасола дар Тоҷикистон санаи 10 декабр ҳамчун Рӯзи ҳуқуқи инсон таҷлил гардида, бахшида ба ин сана мақомоти Ваколатдор оид ба ҳуқуқи инсон дар доираи «Ҳафтаи ҳуқуқи инсон» дар самтҳои мухталиф чорабиниҳо мегузаронад.

Дар ин робита ҷиҳати ташвиқу тарғиби дастовардҳои Ҷумҳурии Тоҷикистон дар самти ҳифзи ҳуқуқу озодиҳои кӯдак ва таъмини манфиатҳои беҳтарини онҳо, инчунин натиҷагирӣ аз санҷишу мониторингҳои мақомот дар муассисаҳои кӯдакона дар соли 2024 бо иштироки намояндагони мақомоти давлатӣ, ҷомеаи шаҳрвандӣ, ва шарикони рушд, ки дар самти кӯдакон фаъолият мебаранд, санаи 9 декабри соли ҷорӣ дар меҳмонхонаи “Серена” мизи мудаввар баргузор гардид. 

Дар чорабинӣ Ваколатдор оид ба ҳуқуқи кӯдак, масъулин роҳбарони воҳидҳои сохтории ҳифзи ҳуқуқҳои кӯдаки вазоратҳои маориф ва илм, корҳои дохилӣ, тандурустӣ ва ҳифзи иҷтимоии аҳолӣ, адлия, меҳнат, муҳоҷират ва шуғли аҳолӣ, масъулини комиссияҳои ҳуқуқи кӯдаки мақомоти иҷроияи ҳокимияти давлатии шаҳри Душанбе ва ноҳияҳои он, шаҳри Истаравшан ва ноҳияи Қубодиён, намояндагии Хазинаи кӯдакони СММ дар Тоҷикистон ва иттиҳодияҳои ҷамъиятӣ иштирок ва суханронӣ намуданд.

Ҳамчунин намояндагони мақомоти давлатӣ дар мавзӯъҳои: ҳифзи ҳуқуқу озодиҳои кӯдакони бо қонун дар мухолифатбуда, ҳифзи ҳуқуқу озодиҳои кӯдакон дар ҳошияи таъмини ҳуқуқ ба таҳсил, ислоҳоти низоми адолати судӣ нисбат ба кӯдакон ва таъмини манфиатҳои беҳтарини кӯдакон дар Тоҷикистон маърӯзаҳо карда, оид ба дастовард, мушкилот ва дурнамои соҳа муҳокимаронӣ намуданд.

Лозим ба ёдоварист, ки соли 2024 барои ҳифзи ҳуқуқ ва манфиатҳои беҳтарини кӯдакон низ дар баробари дигар самтҳои муҳими давлатдорӣ соли бобарор ва пур аз навгониҳо дар қонунгузорӣ ва амалияи ҳуқуқтатбиқкунӣ ба шумор меравад.

Дар ин замина вазифаи аввалиндараҷаи мақомоти давлатӣ ва аҳли ҷомеа дар он аст, ки дастовардҳои Ҷумҳурии Тоҷикистон оид ба ҳифзи ҳуқуқу озодиҳои кӯдак пайваста тарғибу ташвиқ намуда, ҷиҳати боз ҳам рушд додани соҳа мусоидат намоянд.

Дар фарҷоми мизи мудаввар барои фаъолияти самарабахш дар самти ҳифзи ҳуқуқу озодиҳои кӯдакон ба ҳамкорони мақомот аз Вазорати тандурустӣ ва ҳифзи иҷтимоии аҳолӣ, мақомоти иҷроияи ҳокимияти давлатии шаҳри Истаравшан ва ноҳия Қубодиён, намояндагии Хазинаи кӯдакони СММ ва Ташкилоти ҷамъиятии “Волидони кӯдакони дорои имкониятҳои маҳдуд” “Сипоснома”-и Ваколатдор оид ба ҳуқуқи инсон тақдим гардид.

Санаи 26 апрели соли 2024 кормандони шуъбаи ҳифзи давлатии ҳуқуқҳои кӯдаки дастгоҳи Ваколатдор оид ба ҳуқуқи инсон дар Ҷумҳурии Тоҷикистон тибқи Барномаи амали Ваколатдор оид ба ҳуқуқи инсон дар Ҷумњурии Тоҷикистон барои соли 2024 дар доираи амалисозии Стратегияи маќомоти Ваколатдор оид ба ҳуќуќи инсон дар Ҷумҳурии Тоҷикистон барои солњои 2021-2025 дар Муассисаи давлатии таълимии томактабии ширхоргоҳ- кўдакистони №и 89 шаҳри Душанбе санҷиш гузарониданд.

Муфассалтар...