Рӯзи 11 майи соли 2018 аз ҷониби кормандони шуъбаи ҳифзи давлатии ҳуқуқҳои кӯдак дар МТИ №83 ноҳияи Синои шаҳри Душанбе дар самти ҳуқуқ ба таҳсил санҷиш гузаронида шуд.
Дар муассисаи таълимии зикргардида 404 нафар хонандагон дар ду баст ба таҳсил фаро гирифта шудаанд. Бо мақсади дастгирии мунтазами кӯдакон аз гурӯҳҳои осебпазир бо фармоиши директори муассисаи таълимӣ аз соли 2012 инҷониб нозири ҷамъиятӣ оид ба ҳифзи ҳуқуқи кӯдак фаъолият менамояд, ки бо ӯ суҳбати алоҳида гузаронида шуд.
Санҷиши шароити таълиму тарбия нишон медиҳад, ки новобаста аз куҳна будани бинои муассисаи таълимӣ (соли 1968 бунёд шудааст) дар он шароити зарурӣ барои таълиму тарбияи кӯдакон муҳайё аст.
Зимни санҷиш аъзои гурӯҳи корӣ бо директори муассисаи таълимӣ, муовини ӯ оид ба таълим ва нозири ҷамъиятӣ оид ба ҳуқуқи кӯдак дар масъалаи таъмини эҳтиром ва риояи ҳуқуқи кӯдак суҳбат доир намуда, оид ба фаъолияти мақомоти Ваколатдор оид ба ҳуқуқи инсон ва Ваколатдор оид ба ҳуқуқи кӯдак маълумоти муфассал пешниҳод карданд. Инчунин натиҷаҳои пешакии санҷиш баён ва ҷиҳати бартараф намудани камбудиву норасоиҳои ошкоршуда тавсияҳои дахлдор пешниҳод карда шуданд.
Санҷиши мазкур дар доираи амалисозии Стратегияи фаъолияти ВҲК ҶТ барои солҳои 2018-2020 анҷом дода шуд.
Натиҷаи санҷишҳои гузаронидашуда дар мизи мудаввар мавриди муҳокима қарор дода шуда, ба мақомоти дахлдор тавсияҳо пешниҳод мегарданд.
Сардори шуъбаи ҳифзи давлатии ҳуқуқҳои кӯдак А. Содиқов
