ПАХШ / ХОМӮШ: АКСҲО: ҲУРУФ: A A A ПАСНАМО: Ц Ц Ц Ц

Ваколатдор оид ба ҳуқуқи кӯдак
дар Ҷумҳурии Тоҷикистон

МЕНЮ
22
майи
2018

Қадамҳои минбаъда дар рушди ҳуқуқи кӯдак

Яке аз санадҳои муҳими байналмилалӣ дар самти ҳуқуқи кӯдак Конвенсияи СММ оид ба ҳуқуқҳои кӯдак мебошад, ки Ҷумҳурии Тоҷикистон соли 1993 онро ба тасвиб расонид. Санади мазкур тамоми ҳуқуқу озодиҳоро, ки барои таъмини манфиатҳои беҳтарини кӯдак, рушду инкишофи ҳамаҷонибаи ӯ заруранд, кафолат дода, уҳдадориҳои давлатҳои аъзоро бобати таъмини принсипу меъёрҳои дар он зикргардида пешбинӣ менамояд.

Ҳамзамон ҷумҳурӣ соли 2002 ба ду Протоколи иловагӣ ба Конвенсияи мазкур, аз ҷумла яке вобаста ба иштироки кӯдакон дар низоъҳои мусаллаҳона ва дигари вобаста ба савдои кӯдакон, фоҳишагӣ ва порнографияи кӯдакон ҳамроҳ шуд.

Ҳамчун иштирокчии ин санадҳои муҳими байналмилалӣ Ҷумҳурии Тоҷикистон барои амалӣ гардонидани ҳуқуқҳои дар онҳо эътирофгардида ҳамаи тадбирҳои зарурии қонунгузорӣ, маъмурӣ ва дигар чораҳоро меандешад.

Тибқи талаботи моддаи 44 Конвенсия оид ба ҳуқуқҳои кӯдак ҳар як давлати иштирокчии он уҳдадор аст, ки ба Кумитаи СММ оид ба ҳуқуқҳои кӯдак, ки бо мақсади баррасии пешрафти давлатҳои иштирокчӣ дар иҷрои уҳдадориҳои Консенсия таъсис дода шудааст, маърӯза пешниҳод намояд. Дар маърӯза маълумот дар бораи чораҳое, ки барои мустаҳкам гардонидани ҳуқуқҳои эътирофкардаи Конвенсияи мазкур андешида шудаанд ва дар бораи пешравиҳое, ки дар амалӣ гардонидани ин ҳуқуқҳо ба даст омадаанд, зикр карда мешавад.

Ҷумҳурии Тоҷикистон ҷиҳати иҷрои уҳдадориҳои худ вобаста ба чораҳои андешидашуда се маротиба (солҳои 2000, 2010 ва 2017) ба Кумита оид ба ҳуқуқҳои кӯдак маърӯза пешниҳод намуд.

Маърӯзаҳои навбатии муттаҳидаи сеюм ва панҷуми Ҷумҳурии Тоҷикистон оид ба рафти иҷрои Конвенсия оид ба ҳуқуқҳои кӯдак ва маърӯзаҳои аввалини ҷумҳурӣ вобаста ба иҷрои протоколҳои иловагӣ ба Конвенсия дар ҷаласаҳои 2226-2228 Кумита оид ба ҳуқуқҳои кӯдак, ки моҳи сентябри соли 2017 баргузор шуданд, баррасӣ гардиданд.

Зимни баррасии маърӯзаҳои миллӣ Кумита тадбирҳои аз ҷониби давлат андешидашуда ва пешравиҳои ба даст омадаро хуш пазироӣ намуда, ҳамзамон қабули чораҳои иловагии қонунгузорӣ ва маъмуриро, ки ба ҳуқуқҳои кӯдакон дахл доранд, тавсия дод.

Ҷиҳати иҷрои тавсияҳои Кумитаи ҳуқуқи кӯдак вобаста ба маърӯзаи сеюм-панҷуми Ҷумҳурии Тоҷикистон оид ба амалишавии Конвенсия оид ба ҳуқуқи кӯдак ва вобаста ба маърӯзаҳои нахустин оид ба амалишавии протоколҳои иловагии Конвенсия 19 апрели соли 2018 Нақшаҳои миллии амалҳо тасдиқ гардиданд.

Тасдиқи нақшаҳои мазкур қадамҳои минбаъда дар рушд ва пешбурди ҳуқуқҳои кӯдак дар ҷумҳурӣ буда, вазорату идораҳои дахлдор бобати иҷрои чорабиниҳои дар онҳо пешбинигардида муваззаф гардидаанд.

Итминон дорем, ки мақомотҳои масъул ҷиҳати иҷрои тавсияҳо чораандешӣ намуда, тадбирҳои андешидашуда боиси беҳтар гардидани вазъи ҳуқуқи кӯдак дар ҷумҳурӣ ва баланд бардоштани нуфузи ҷумҳурӣ дар сатҳи байналмилалӣ мегардад. Ваколатдор оид ба ҳуқуқи кӯдак дар Ҷумҳурии Тоҷикистон низ, ки яке аз вазифаҳои ӯ назорати иҷрои уҳдадориҳои байналмилалии ҷумҳурӣ дар самти ҳуқуқи кӯдак мебошад, омода аст бо тамоми вазорату идораҳо ва сохторҳои ҷомеаи шаҳрвандӣ ҳамкорӣ намуда, дар иҷрои тавсияҳои мазкур мусоидат намояд.

Ҳабибулозода Р.
Ваколатдор оид
ба ҳуқуқи кӯдак дар
Ҷумҳурии Тоҷикистон


Эмомалӣ Раҳмон

Сухани Президент-3 Сухани Президент-4 Сухани Президент-5 Сухани Президент-6 Сухани Президент-1 Сухани Президент-2 Сухани Президент-7

Сухани Президент-3

Бо мақсади таъмини ҳифзи ҳуқуқи кӯдак дар Ҷумҳурии Тоҷикистон пешниҳод менамоям, ки институти Ваколатдор оид ба ҳуқуқи кӯдак таъсис дода шавад. Э.Раҳмон

Сухани Президент-4

Таълиму тарбияи кӯдакону наврасон яке аз масъалаҳои муҳими сиёсати иҷтимоии давлат ба ҳисоб меравад. Э.Раҳмон

Сухани Президент-5

Агар мо хоҳем, ки Тоҷикистонро дар оянда ободу осуда гардонем, имрўз бояд барои наврасону ҷавонони соҳибистеъдоди ҷўянда шароит фароҳам оварем. Э.Раҳмон

Сухани Президент-6

Воқеан, кӯдакон ояндаи осудаву ободи ҳар як миллат, сарвати бебаҳои ҳар як оила, ҷомеа ва давлат ба шумор мераванд ва онҳо бахту саодати рӯзгори ҳар як падару модар мебошанд. Э.Раҳмон

Сухани Президент-1

Кӯдакони имрӯза фардо ҳамчун насли ватандӯст ва номбардори Тоҷикистони азизамон ба воя мерасанд. Э.Раҳмон

Сухани Президент-2

Имрӯз барои таълиму тарбияи кӯдакону наврасон тамоми шароит муҳайё гардидааст. Э.Раҳмон

Сухани Президент-7

Наврасону ҷавонони моро зарур аст, ки ба қадри сулҳу оромӣ, суботи сиёсӣ ва истиқлолу озодӣ расанд ва ҳамчун насли ояндасоз ба хотири ҳифзу таҳкими дастовардҳои он саъю талош намоянд. Э.Раҳмон

Назарпурсӣ

Агар кӯдак ба талбандагӣ машғул шавад, кӣ кунаҳкор аст?

girl boy

Омодакунандаи сомона DarAmal