ПАХШ / ХОМӮШ: АКСҲО: ҲУРУФ: A A A ПАСНАМО: Ц Ц Ц Ц

Ваколатдор оид ба ҳуқуқи кӯдак
дар Ҷумҳурии Тоҷикистон

МЕНЮ
11
ноябри
2019

Баргузории чорабинии ҷашнӣ дар вилояти Суғд

Рӯзи 8 ноябри соли 2019 дар шаҳри Хуҷанди вилояти Суғд ба ифтихори ҷашнҳои 25-солагии Конститутсияи Ҷумҳурии Тоҷикистон ва 30-солагии Конвенсияи Созмони Милали Муттаҳид дар бораи ҳуқуқҳои кӯдак чорабинии калони фарҳангиву фароғатӣ барои кӯдакон ташкил ва гузаронида шуд. Чорабинии мазкур бо ибтикори мақомоти иҷроияи ҳокимияти давлатии вилояти Суғд ва дастгирии Хазинаи кӯдакони СММ (ЮНИСЕФ) дар Тоҷикистон баргузор гардид.
 
 
Дар чорабинии идона, ки дар театри вилоятии “Суғдиён” баргузор гардид, зиёда аз 200 нафар кӯдакон, аз ҷумла кӯдакони дорои маъюбият, мураббиён, омӯзгорон, кормандони Дастгоҳи Раиси вилояти Суғд, сохторҳои ҷомеаи шаҳрвандӣ ва рӯзноманигорон иштирок намуданд.
 
Дар ифтитоҳи чорабинӣ котиби Комиссияи вилоятӣ оид ба ҳуқуқи кӯдак М. Ҳомидова ва намояндаи Хазинаи кӯдакони СММ С. Шамсиддинов баромад намуда, ҳозиринро бо ҷашнҳои фархундаи миллӣ ва байналмилалӣ табрику муборакбод намуданд.Дар ин радиф сардори шуъбаи ҳифзи давлатии ҳуқуқҳои кӯдаки Дастгоҳи Ваколатдор оид ба ҳуқуқи инсон дар Ҷумҳурии Тоҷикистон А. Содиқов низ суханронӣ намуда, оид ба дастовардҳои Ҷумҳурии Тоҷикистон ва фаъолияти Ваколатдор оид ба ҳуқуқи кӯдак дар самти ҳифзи ҳуқуқу озодиҳои кӯдак маълумоти муфассал пешниҳод намуд.
 
Сипас аз ҷониби ташкилкунандагон барои иштирокчиёни чорабинӣ бозиҳои шавқовар ва викторинаҳо вобаста ба Конститутсияи Ҷумҳурии Тоҷикистон ва Конвенсияи Созмони Милали Муттаҳид дар бораи ҳуқуқҳои кӯдак пешниҳод карда шуд, ки барои аҳли толор хеле ҷолиб буданд. Барои кӯдаконе, ки дар викторинаҳо фаъолона иштирок намуда, маърифати баланди ҳуқуқии худро нишон доданд, тӯҳфаҳои хотиравӣ тақдим карда шуданд.
 сугд1
Чорабинии идона бо барномаи калони консертӣ, ки аз ҷониби худи кӯдакон омода шуда буд, ҳусни анҷом ёфт. Дар консерт аз ҷумла кӯдакони муассисаҳои таълимии томактабӣ ва кӯдакони дорои маъюбият баромад намуда, ҳунару истеъдоди худро моҳирона нишон доданд.
 
Дар доираи чорабинии идона сардори шуъбаи ҳифзи давлатии ҳуқуқҳои кӯдаки Дастгоҳи Ваколатдор оид ба ҳуқуқи инсон дар Ҷумҳурии Тоҷикистон А. Содиқов бо рӯзноманигорони телевизиони вилояти Суғд ва телевизиони “Азия” мусоҳибаҳо доир намуд.
 
Дар интиҳо ташкилкунандагони чорабинӣ маҳфилро ҷамъбаст намуда, ба ҳамаи ҳунарпешаҳои ҷавон тӯҳфаҳои хотиравӣ тақдим намуданд. Чорабинӣ барои кӯдакон дар муҳити идона ва шавқовару гуворо баргузор гардид.

Эмомалӣ Раҳмон

Сухани Президент-3 Сухани Президент-4 Сухани Президент-5 Сухани Президент-6 Сухани Президент-1 Сухани Президент-2 Сухани Президент-7

Сухани Президент-3

Бо мақсади таъмини ҳифзи ҳуқуқи кӯдак дар Ҷумҳурии Тоҷикистон пешниҳод менамоям, ки институти Ваколатдор оид ба ҳуқуқи кӯдак таъсис дода шавад. Э.Раҳмон

Сухани Президент-4

Таълиму тарбияи кӯдакону наврасон яке аз масъалаҳои муҳими сиёсати иҷтимоии давлат ба ҳисоб меравад. Э.Раҳмон

Сухани Президент-5

Агар мо хоҳем, ки Тоҷикистонро дар оянда ободу осуда гардонем, имрўз бояд барои наврасону ҷавонони соҳибистеъдоди ҷўянда шароит фароҳам оварем. Э.Раҳмон

Сухани Президент-6

Воқеан, кӯдакон ояндаи осудаву ободи ҳар як миллат, сарвати бебаҳои ҳар як оила, ҷомеа ва давлат ба шумор мераванд ва онҳо бахту саодати рӯзгори ҳар як падару модар мебошанд. Э.Раҳмон

Сухани Президент-1

Кӯдакони имрӯза фардо ҳамчун насли ватандӯст ва номбардори Тоҷикистони азизамон ба воя мерасанд. Э.Раҳмон

Сухани Президент-2

Имрӯз барои таълиму тарбияи кӯдакону наврасон тамоми шароит муҳайё гардидааст. Э.Раҳмон

Сухани Президент-7

Наврасону ҷавонони моро зарур аст, ки ба қадри сулҳу оромӣ, суботи сиёсӣ ва истиқлолу озодӣ расанд ва ҳамчун насли ояндасоз ба хотири ҳифзу таҳкими дастовардҳои он саъю талош намоянд. Э.Раҳмон

Назарпурсӣ

Агар кӯдак ба талбандагӣ машғул шавад, кӣ кунаҳкор аст?

girl boy

Омодакунандаи сомона DarAmal