Рӯзҳои 6-8 апрели соли ҷорӣ дар шаҳри Душанбе барои котибони Комиссияҳои маҳаллӣ оид ба ҳуқуқи кӯдаки ноҳияҳои шаҳри Душанбе ва баъзе шаҳру ноҳияҳои ВМКБ ва вилояти Хатлон тренинг гузаронида шуд.
Чорабинӣ бо дастури Муовини Сарвазири Ҷумҳурии Тоҷикистон бо мақсади сайқал додани донишу малакаи котибони Комиссияҳои маҳаллӣ оид ба ҳуқуқи кӯдак дар доираи амалисозии Нақшаи кори Комиссияи назди Ҳукумати Ҷумҳурии Тоҷикистон оид ба ҳуқуқи кӯдак барои соли 2021, инчунин Нақшаи миллии амалҳо ҷиҳати иҷрои тавсияҳо вобаста ба гузоришҳои муттаҳидаи сеюм ва панҷуми Ҷумҳурии Тоҷикистон оид ба рафти иҷрои Конвенсия оид ба ҳуқуқи кӯдак барои солҳои 2018-2022 доир гардид.
Дар тренинг Муовини Ваколатдор оид ба ҳуқуқи инсон-Ваколатдор оид ба ҳуқуқи кӯдак дар Ҷумҳурии Тоҷикистон Ҳабибулозода Раҷабмо низ иштирок намуда, барои иштирокчиён дар мавзӯъҳои “Стандартҳо ва механизмҳои миллӣ ва байналмилалии ҳифзи ҳуқуқи кӯдак” ва “Пирнсипҳои бунёдии Конвенсияи СММ дар бораи ҳуқуқҳои кӯдак”, "Тавсияҳои Кумитаи СММ оид ба ҳуқуқи кӯдак, Нақшаи миллии амалҳо" омӯзиш гузаронид.
Дарсҳо бо истифода аз усулҳои интерактивӣ ва машғулиятҳои амалии гурӯҳӣ баргузор гардида, аз тарафи Ваколатдор оид ба ҳуқуқи кӯдак ба иштироккунандагон буклети “Ҳуқуқҳои худро муҳофизат намо!” тақдим карда шуд.
Дар назар аст, ки чунин чорабинӣ барои котибони Комиссияҳои маҳаллӣ оид ба ҳуқуқи кӯдаки дигар шуҳру ноҳияҳо баргузор гардад.
Сармутахассиси
шуъбаи ҳифзи давлатии ҳуқуқҳои кӯдаки
Дастгоҳи Ваколатдор оид ба ҳуқуқи инсон
дар Ҷумҳурии Тоҷикистон Раҳимов С.Р.
