Тибқи Барномаи амали мақомоти ВҲИ ҶТ барои соли 2021 дар доираи амалисозии Стратегияи фаъолияти ВҲИ ҶТ барои солҳои 2021-2025 рӯзи 31 марти соли 2021 дар Кӯдакистони хусусии “Садбарг 2015”-и ноҳияи Шоҳмансури шаҳри Душанбе аз ҷониби кормандони шуъбаи ҳифзи ҳуқуқҳои кӯдаки Дастгоҳи Ваколатдор оид ба ҳуқуқи инсон дар Ҷумҳурии Тоҷикистон санҷиш гузаронида шуд.
Кӯдакистони хусусии “Садбарг-2015” соли 2015 бо иштироки Президенти Ҷумҳурии Тоҷикистон муҳтарам Эмомалӣ Раҳмон ба истифода дода шудааст. Айни ҳол дар муассиса 96 нафар кӯдакони аз 1 то 7-сола дар шаш гурӯҳ ба таълиму тарбия фаро гирифта шудаанд. Машғулиятҳо дар асоси барномаҳои таълимии Вазорати маориф ва илми Ҷумҳурии Тоҷикистон бо забони русӣ амалӣ карда мешаванд.
Зимни санҷиш атрофи муассиса, бино, роҳрав, ҷойҳои хоб, ҳоҷатхонаҳо, ҳуҷраи ҷомашӯйӣ, ҳуҷраи ёрии тиббӣ, ошхона, анбори маводи хӯрока, толори варзишӣ ва мусиқӣ барои гузаронидани чорабиниҳои фарҳангӣ-фароғатӣ аз назар гузаронида шуданд.
Аз натиҷаҳои санҷиш бармеояд, ки дар Кӯдакистони мазкур ҳуқуқи кӯдакон ба таълиму тарбия, ҳифзи саломатӣ ва истироҳату фароғат риоя мешаванд. Инчунин дар Кӯдакистон барои пешгирӣ ва паҳншавии бемории сироятии COVID-19 тамоми чораҳои зарурӣ андешида шудааст.
Ҷиҳати боз ҳам беҳтар намудани вазъи дастрасии кӯдакон ба таълиму тарбия, ҳифзи саломатӣ ва истироҳату фароғат ба роҳбарияти муассисаи таълимии томактабӣ аз ҷониби гурӯҳи корӣ тавсияҳои дахлдор пешниҳод карда шуд.
А. Машрабзода - Мутахассиси пешбари ШҲДҲК
