ПАХШ / ХОМӮШ: АКСҲО: ҲУРУФ: A A A ПАСНАМО: Ц Ц Ц Ц

Ваколатдор оид ба ҳуқуқи кӯдак
дар Ҷумҳурии Тоҷикистон

МЕНЮ

girl boy2

Тақвими хабарҳо

Июн 2020
Дн Сш Чн Пш Ҷм Шб Ян
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5

girl boy3

2
апрели
2020

БИЁЕД, КИТОБ ХОНЕМ! Имрӯз Фестивали ҷумҳуриявии «Ҳафтаи китоби кӯдакону наврасони Тоҷикистон» оғоз гардид

ДУШАНБЕ, 02.04.2020. /АМИТ «Ховар»/. Имрӯз дар Муассисаи давлатии Китобхонаи давлатии бачагонаи ҷумҳуриявии ба номи Мирсаид Миршакар Фестивали ҷумҳуриявии «Ҳафтаи китоби кӯдакону наврасони Тоҷикистон» таҳти унвони «Тараннумгари сухан» ба кор оғоз намуд. Хабарнигори АМИТ «Ховар» Фирӯзаи Давлат аз оғози рӯзи аввали Фестивали мазкур гузориш медиҳад.
 
 
Дар фестивал адибону олимон, намояндагони вазоратҳои фарҳанг,  маориф ва илм, Иттифоқи нависандагони Тоҷикистон, хонадагон ва омӯзгорон иштирок намуданд.
 
Аз субҳи барвақт дар саҳни китобхонаи  мазкур аз ҷониби якчанд нашриёти ватанӣ  китобҳои тозанашри бачагона ба намоиш-фурӯш пешниҳод гардиданд, ки ин анъана то 9 апрел идома меёбад. Ҳамчунин дар  ин ҷо  хонандагони хурдсоли шаҳри Душанбе маҳсули дастранҷи худро ба намоиш  гузоштанд, ки аз ҷониби меҳмонон ва тамошобинон хуш қабул гардид.
 
Сипас дар толори китобхона барномаи фарҳангӣ бо иштироки хонандагони тамоми муассисаҳои шаҳри Душанбе сурат гирифт. Дар барномаи фарҳангӣ қироати шеър аз ашъори шоирон, суҳбати кӯдакону наврасон бо адибон ва намоиши театрии хонадагон доир гардид.
 
 IMG 0794китобп
 
китоб м
 
Сардори Раёсати рушди муассисаҳои фарҳангӣ-фароғатӣ ва ҳунарҳои мардумии Вазорати фарҳанги Ҷумҳурии Тоҷикистон Қурбон Ғуломзода иброз намуд, ки барои дар рӯҳияи ватандорӣ ва хештаншиносӣ тарбия намудани насли наврас баргузории чунин Фестивал ва озмунҳо ба манфиати кор  аст.
 
Мавсуф изҳор намуд, ки имрӯз мо бояд насли наврасро чунин тарбия намоем, ки дар оянда бунёдкору созанда ва инсонгаро бошанд. Зеро инкишофи ҷомеа аз насли навраси босавод вобастагӣ дорад.
 
Дар фестивал озмунҳои гуногун, аз қабили озмуни «Расмҳо аз рӯи асарҳои кӯдакона», «Китобчаи дӯстдоштаи ман», Озмуни «Хабарнигорон барои беҳтарин инъикоси таҷрибаи коллективҳои меҳнатӣ оид ба тарғиби китоб ва рушди хониш дар ВАО», сабқатҳои «Фурӯхташавандатарин китоб», «Фаъолтарин хонандаи ҷавон», «Машҳуртарин нависандаи кӯдакон», «Фаъолтарин китобхона ва хонандаи ҷавон», «Ровиёни ҷавон» баргузор мегарданд. Инчунин  вохӯрии хонандагон бо адибон, суҳбатҳои «мизи гирд» ва муаррифии китобҳои нав дар назар аст.
 
Ҳадафи асосии баргузории фестивал-ин ҷалби насли наврас ба мутолиаи китоб, ташаккул ва такомули беҳтарин малакаҳои хониш, боз ҳам баланд бардоштани сатҳи фарҳанги иттилоотии кӯдакону наврасон, ҷавонон ва ба ин васила дар замири онҳо тарбия намудани ҳисси ифтихори миллӣ, ватандӯстӣ, гиромидошти арзишҳои милливу умумибашарӣ мебошад.
 
 IMG 0676
 
ктоь
 
Муҳимтарин вазифаи фестивал арҷгузорӣ ба мероси ниёгон, арзишҳои миллӣ ва умумибашарӣ,  тарғибу ташвиқи адабиёти тозанашри илмӣ — оммавӣ,  муаррифии беҳтарин асарҳои адабиёти классикӣ ва муосири тоҷик,  дастраси кӯдакону наврасон гардонидани мероси таърихию фарҳангии халқи тоҷик тавассути ташкили маърӯзаҳо,  дар ҳамкорӣ бо падару модарон боз ҳам беҳтар намудани сифати таълиму тарбияи фарзандон, баланд бардоштани ҳисси масъулиятшиносии волидайн нисбат ба масъалаҳои хониши кӯдакону наврасон, ташаккули фарҳанги иттилоотии онҳо, бедор намудани майлу рағбат ва шавқу ҳаваси насли наврас ба мутолиаи китоб ва чорабиниҳои гуногуни фарҳангӣ, кашфи истеъдодҳои ҷавон,  ташкили ярмаркаи китобҳои бачагона мебошад.
 
Дар суҳбат бо мо мудири шуъбаи пурракунӣ ва коркарди адабиёти бачагонаи Китобхонаи давлатии бачагонаи ба номи Мирсаид Миршакар Гулнора Азизова изҳор дошт, ки «шавқи насли наврас ба китоб рӯз то рӯз бештар мегардад. Имрӯз китобхонаи мо зиёда аз 10 ҳазор хонанда дорад. Барои шавқу рағбати насли наврасро ба китоб зиёд намудан бояд мо аввал худамон китобхон бошем. Агар дар оила таваҷҷуҳи волидайн ба китоб равона бошад, ё миёни ҳамдигар доир ба китоб сухан гӯянд, шавқи фарзанд низ ба он зиёд шуда, аз онҳо ибрат мегирад. Ҳамчунин алоқаи байни волидайн ба китобхона ва муассисаҳои таълимӣ зиёд шавад, нуран ало нур мешавад».
 IMG 0712
Яке аз иштирокчиёни Фестивал дар озмуни  «Фаъолтарин хонандаи ҷавон»- хонандаи синфи 4-и мактаби таҳсилоти миёнаи умумии №60 ноҳияи Синои шаҳри Душанбе Суҳайло Одинаева иброз намуд, ки «имрӯз барои сайқал додани дониши худ ба инҷо омадам. Ман ҳамчунин барои иштирок дар Озмуни ҷумҳуриявии «Фурӯғи субҳи доноӣ китоб аст» дар номинатсияи хондан ва аз ёд кардани ашъори бачагона ва афсонаҳои халқи тоҷик омодагӣ дида истодаам. Барои ман омӯзгорон ва падару модарам китобҳоро тавсия медиҳанд. Дар вақти мутолиа агар ҷоеро нафаҳмам, волидайнам ба ман кумак мекунанд. Аз ҳамсолонам даъват менамоям, ки биёед,  китоб хонем, то дар оянда роҳи дурусти зиндагиамонро интихоб карда тавонем».
 
Инчунин созмондиҳандагон, иштирокчиёни фаъоли фестивал, китобдорон, адибону олимон, омӯзгорон, хонандагон, кормандони воситаҳои ахбори омма, муассисаву ташкилот, шахсони алоҳида аз ҷониби Кумитаи тадорукот ва мақомоти иҷроияи ҳокимияти давлатии вилоят, шаҳру ноҳияҳои ҷумҳурӣ бо мукофотҳои пулӣ, туҳфаҳо, ифтихорномаҳо ва нишонҳои сарисинагии «Аълочии фарҳанги Ҷумҳурии Тоҷикистон», «Аълочии маориф ва илми Ҷумҳурии Тоҷикистон» қадрдонӣ карда мешаванд.
 
Ёдовар мешавем, ки Фестивали ҷумҳуриявии «Ҳафтаи китоби кӯдакону наврасони Тоҷикистон» таҳти унвони «Тараннумгари сухан» 9 апрел дар Донишкадаи давлатии фарҳанг ва санъати Тоҷикистон ба номи Мирзо Турсунзода бо шукӯҳу шаҳомати хосса ҷамъбаст мегардад.

Эмомалӣ Раҳмон

Сухани Президент-3 Сухани Президент-4 Сухани Президент-5 Сухани Президент-6 Сухани Президент-1 Сухани Президент-2 Сухани Президент-7

Сухани Президент-3

Бо мақсади таъмини ҳифзи ҳуқуқи кӯдак дар Ҷумҳурии Тоҷикистон пешниҳод менамоям, ки институти Ваколатдор оид ба ҳуқуқи кӯдак таъсис дода шавад. Э.Раҳмон

Сухани Президент-4

Таълиму тарбияи кӯдакону наврасон яке аз масъалаҳои муҳими сиёсати иҷтимоии давлат ба ҳисоб меравад. Э.Раҳмон

Сухани Президент-5

Агар мо хоҳем, ки Тоҷикистонро дар оянда ободу осуда гардонем, имрўз бояд барои наврасону ҷавонони соҳибистеъдоди ҷўянда шароит фароҳам оварем. Э.Раҳмон

Сухани Президент-6

Воқеан, кӯдакон ояндаи осудаву ободи ҳар як миллат, сарвати бебаҳои ҳар як оила, ҷомеа ва давлат ба шумор мераванд ва онҳо бахту саодати рӯзгори ҳар як падару модар мебошанд. Э.Раҳмон

Сухани Президент-1

Кӯдакони имрӯза фардо ҳамчун насли ватандӯст ва номбардори Тоҷикистони азизамон ба воя мерасанд. Э.Раҳмон

Сухани Президент-2

Имрӯз барои таълиму тарбияи кӯдакону наврасон тамоми шароит муҳайё гардидааст. Э.Раҳмон

Сухани Президент-7

Наврасону ҷавонони моро зарур аст, ки ба қадри сулҳу оромӣ, суботи сиёсӣ ва истиқлолу озодӣ расанд ва ҳамчун насли ояндасоз ба хотири ҳифзу таҳкими дастовардҳои он саъю талош намоянд. Э.Раҳмон

Назарпурсӣ

Оид ба таҳсили кӯдакони маъюб бо ҳамсолонашон дар муассисаҳои таълимии ҳамагонӣ чӣ ақида доред?

girl boy

Омодакунандаи сомона DarAmal