ПАХШ / ХОМӮШ: АКСҲО: ҲУРУФ: A A A ПАСНАМО: Ц Ц Ц Ц

Ваколатдор оид ба ҳуқуқи кӯдак
дар Ҷумҳурии Тоҷикистон

МЕНЮ
13
декабри
2019

Семинарҳои омӯзишии Ваколатдор оид ба ҳуқуқи инсон дар Ҷумҳурии Тоҷикистон дар ноҳияҳои Ҳамадонӣ ва Фархори вилояти Хатлон

Дар доираи таҷлили Ҳафтаи ҳуқуқи инсон ва амалисозии банди 11 Нақшаи чорабиниҳо оид ба иҷрои марҳилаи сеюми (солҳои 2019-2020) Барномаи таълим дар соҳаи ҳуқуқи инсон барои солҳои 2013-2020 рӯзҳои 9-12 декабри соли 2019 аз ҷониби мақомоти Ваколатдор оид ба ҳуқуқи инсон дар Ҷумҳурии Тоҷикистон дар якҷоягӣ бо Дафтари барномаҳои САҲА дар Душанбе ва ҳамкорӣ бо мақомоти иҷроияи ҳокимияти давлатии вилояти Хатлон барои омӯзгорони фанни “Ҳуқуқи инсон”-и муассисаҳои таҳсилоти миёнаи умумӣ семинарҳои омӯзишии дурӯза гузаронида шуданд.

Семинарҳои зикршуда аз ҷониби тренероне, ки дорои сертификати дахлдори Ваколатдор оид ба ҳуқуқи инсон мебошанд, гузаронида шуданд.

Ба семинарҳои омӯзишӣ дар ҳар як ноҳия синафарӣ омӯзгорони фанни “Ҳуқуқи инсон” ҷалб карда шуда, дар рафти семинарҳо онҳо бо маводи конселярӣ ва адабиёти соҳавӣ, ки ба фаъолияти ҳамарӯзаи омӯзгорон мусоидат мекунад, аз ҷумла Қонуни Ҷумҳурии Тоҷикистон “Дар бораи Ваколатдор оид ба ҳуқуқи инсон дар Ҷумҳурии Тоҷикистон”, Конвенсияи СММ дар бораи ҳуқуқҳои кӯдак, Эъломияи умумиҷаҳонии ҳуқуқи башар ва дигар маводи тақсимотӣ ройгон таъмин карда шуданд.сем фархор1

Зимни гузаронидани семинарҳои омӯзишӣ тренерон аз роҳу усулҳои интерактивӣ, аз ҷумла кор дар зергурӯҳҳоро  истифода бурда, ҷиҳати дар амалия васеъ истифода бурдани онҳо машғулиятҳои амалӣ гузарониданд. Дар машғулиятҳои амалӣ Конвенсияи СММ дар бораи ҳуқуқҳои кӯдак, Қонуни ҶТ “Дар бораи Ваколатдор оид ба ҳуқуқи инсон дар Ҷумҳурии Тоҷикистон”, Барномаи умумиҷаҳонии таълим дар соҳаи ҳуқуқи инсон, Барномаи таълим дар соҳаи ҳуқуқи инсон барои солҳои 2013-2020, Қайдҳои умумии Кумитаи СММ оид ба ҳуқуқҳои кӯдак оид ба таълим дар соҳаи ҳуқуқи инсон (соли 2001), Эъломияи умумиҷаҳонии ҳуқуқи башар, Эъломияи Куруши Кабир ва дигар санадҳои байналмилалӣ ва миллӣ дар соҳаи ҳуқуқи инсон мавриди омӯзиш ва  муҳокимаи иштирокчиён қарор дода шуданд.сем фархор 2

Ҳамзамон барои иштирокчиён оид ба фаъолияти мақомоти Ваколатдор оид ба ҳуқуқи инсон дар Ҷумҳурии Тоҷикистон маълумоти муфассал пешниҳод карда шуда, тавсия дода шуд, ки дар фаъолияти ҳамарӯзаи худ онҳо метавонанд аз сомонаҳои ombudsman.tj, vhk.tj ва khit.tj васеъ истифода баранд. Қайд карда шуд, ки ҳар як шаҳрванд метавонад ба Ваколатдор оид ба ҳуқуқи инсон дар Ҷумҳурии Тоҷикистон ва Ваколатдор оид ба ҳуқуқи кӯдак дар Ҷумҳурии Тоҷикистон тавассути суроғаҳо, телефонҳо ва почтаҳои электроние, ки дар сомонаҳои зикршуда ҷой дода шудаанд, муроҷиат намояд.

Дар ҷамъбасти чорабинӣ иштирокчиён фикру ақида ва пешниҳодоти худро оид ба масъалаҳои баррасишуда баён намуданд. Аз ҷумла онҳо ба ташкилкунандагони чорабинӣ изҳори миннатдорӣ намуда, иқдоми Ваколатдор оид ба ҳуқуқи инсон дар Ҷумҳурии Тоҷикистонро оид ба гузаронидани чунин семинарҳо барои омӯзгорони фанни “Ҳуқуқи инсон” дар шаҳру ноҳияҳо ва хусусан дар ноҳияҳои дурдасти ҷумҳурӣ саривақтӣ ва ба манфиати кор донистанд.

Содиқов А., Сардори Шуъбаи ҳифзи давлатии ҳуқуқҳои кӯдаки

Дастгоҳи Ваколатдор оид ба ҳуқуқи инсон дар Ҷумҳурии Тоҷикистон


Эмомалӣ Раҳмон

Сухани Президент-3 Сухани Президент-4 Сухани Президент-5 Сухани Президент-6 Сухани Президент-1 Сухани Президент-2 Сухани Президент-7

Сухани Президент-3

Бо мақсади таъмини ҳифзи ҳуқуқи кӯдак дар Ҷумҳурии Тоҷикистон пешниҳод менамоям, ки институти Ваколатдор оид ба ҳуқуқи кӯдак таъсис дода шавад. Э.Раҳмон

Сухани Президент-4

Таълиму тарбияи кӯдакону наврасон яке аз масъалаҳои муҳими сиёсати иҷтимоии давлат ба ҳисоб меравад. Э.Раҳмон

Сухани Президент-5

Агар мо хоҳем, ки Тоҷикистонро дар оянда ободу осуда гардонем, имрўз бояд барои наврасону ҷавонони соҳибистеъдоди ҷўянда шароит фароҳам оварем. Э.Раҳмон

Сухани Президент-6

Воқеан, кӯдакон ояндаи осудаву ободи ҳар як миллат, сарвати бебаҳои ҳар як оила, ҷомеа ва давлат ба шумор мераванд ва онҳо бахту саодати рӯзгори ҳар як падару модар мебошанд. Э.Раҳмон

Сухани Президент-1

Кӯдакони имрӯза фардо ҳамчун насли ватандӯст ва номбардори Тоҷикистони азизамон ба воя мерасанд. Э.Раҳмон

Сухани Президент-2

Имрӯз барои таълиму тарбияи кӯдакону наврасон тамоми шароит муҳайё гардидааст. Э.Раҳмон

Сухани Президент-7

Наврасону ҷавонони моро зарур аст, ки ба қадри сулҳу оромӣ, суботи сиёсӣ ва истиқлолу озодӣ расанд ва ҳамчун насли ояндасоз ба хотири ҳифзу таҳкими дастовардҳои он саъю талош намоянд. Э.Раҳмон

Назарпурсӣ

Оид ба таҳсили кӯдакони маъюб бо ҳамсолонашон дар муассисаҳои таълимии ҳамагонӣ чӣ ақида доред?

girl boy

Омодакунандаи сомона DarAmal