Рӯзи 30 майи соли 2019 Ваколатдор оид ба ҳуқуқи кӯдак дар Ҷумҳурии Тоҷикистон Р.Ҳабибулозода дар арафаи Рӯзи байналмилалии ҳифзи кӯдакон – 1 июн ба Гимназияи хусусии Тоҷикистон ташриф оварда, бо муҳассилини ин боргоҳи таълимӣ вохӯрӣ анҷом дод.
Дар вохӯрӣ Р.Ҳабибулозодаро Ёрдамчии Ваколатдор оид ба ҳуқуқи кӯдак – А.Солиев ва мутахассиси пешбари шуъбаи ҳифзи давлатии ҳуқуқҳои кӯдаки дастгоҳи Ваколатдор оид ба ҳуқуқи инсон дар Ҷумҳурии Тоҷикистон – Машрабзода Азимҷон ҳамроҳӣ намуданд.
Сараввал Ваколатдор оид ба ҳуқуқи кӯдак дар Ҷумҳурии Тоҷикистон – Р.Ҳабибулозода бо директори муассисаи мазкур Қаҳҳорова Кимиё Бобоҷовна ҳамсуҳбат шуд. Зимни суҳбат масъалаҳои вобаста ба шароити таълиму тарбия, китобҳои дарсӣ ва вазъи риоя гаштани ҳуқуқу озодиҳои кӯдакон дар муассисаи мазкур маълумоти муфассал дод.
Дар чорабинии маърифатӣ Ваколатдор оид ба ҳуқуқи кӯдак сараввал кӯдакон ва омӯзгоронро бо Рӯзи байналмилалии ҳифзи кӯдакон табрик намуда, баъдан дар бораи таърихи пайдоиши ин сана, ғамхориҳои давлату ҳукумат бобати таъмини ҳаёти арзанда ба кӯдакон ва таъмини риояи ҳуқуқҳои онҳо суханронӣ намуд.
Вобаста ба ҳуқуқ, озодӣ ва уҳдадориҳои кӯдакон мутобиқи Конвенсияи СММ оид ба ҳуқуқҳои кӯдак ва қонунгузории миллӣ дар самти ҳифзи ҳуқуқи кӯдакон дар ҶТ Машрабзода Азимҷон муаълумоти муфасссал дод.
Сипас барои дар шакли рангину ҷолиб гузаронидани чорабинӣ аз ҷониби А.Солиев викторинаи “Ҳуқуқ” ё “Уҳдадорӣ” дар шакли саволу ҷавоб тариқи слайдҳои омодашуда намоиш дода шуд ва толибилмон дар навбати худ бо як завқи том ба саволҳо ҷавоб доданд.
Дар охир Ваколатдор оид ба ҳуқуқи кӯдак ба роҳбарият ва кормандони муассиса барои ғамхорӣ нисбати кӯдакон изҳори миннатдорӣ баён намуда, ба нафароне, ки ба саволҳо аз ҳама бештар посухи дуруст доданд, туҳфаҳои хотирмон супорида шуданд.
