Дар доираи чорабиниҳои идона бахшида ба Рӯзи байналмилалии ҳифзи кӯдак рӯзи 1 июни соли 2017 Ҳабибулозода Раҷабмо — Ваколатдор оид ба ҳуқуқи кӯдак ба Муассисаи тарбиявии ЯС 3/12 Сарраёсати иҷрои ҷазои ҷиноятии Вазорати адлияи Ҷумҳурии Тоҷикистон ташриф овард.
Зимни ташриф Ваколатдор оид ба ҳуқуқи кӯдак аз вазъи риояи ҳуқуқи тарбиятгирандагон ва шароити будубоши онҳо аз наздик шиносоӣ пайдо карда, баъдан бо ҳайати роҳбарикунанда, кормандон, омӯзгорони муассиса ва тарбиятгирандагон суҳбатҳои алоҳида баргузор намуд. Дар ин раванд Ваколатдор оид ба ҳуқуқи кӯдакро кормандони масъули Сарраёсати иҷрои ҷазои ҷиноятии Вазорати адлия ҳамроҳӣ намуданд.
Ҳамчунин дар ин рӯз бо ташаббуси устодон ва тарбиятгирандагони муассиса бахшида ба Рӯзи байналмилалии ҳифзи кӯдак чорабинии идона баргузор гардид, ки дар он Ваколатдор оид ба ҳуқуқи кӯдак бо сухани табрикӣ баромад намуда, вобаста ба ҳуқуқу озодӣ ва уҳдадориҳои кӯдакону ҷавонон, таваҷҷуҳи махсуси роҳбарияти давлату ҳукумати ҷумҳурӣ нисбати кӯдакон ва аз ҷумла, бо пешниҳоди Асосгузори сулҳу ваҳлати миллӣ — Пешвои миллат, Президенти мамлакат муҳтарам Эмомалӣ Раҳмон «Соли ҷавонон» эълон шудани соли 2017, инчунин хатарҳои ҷаҳони муосир аз қабили терроризму экстремизм ибрози назар намуданд.
Дар фарҷоми чорабинӣ ба тарбиятгирандагони муассиса дар бораи хатми курсҳои кӯтоҳмуддат аз рӯи ихтисоси «Ошпаз» ва «Устои асбобҳои рӯзғор» шаҳодатномаҳо супорида шуданд.
