Санаи 26 апрели соли 2024 кормандони шуъбаи ҳифзи давлатии ҳуқуқҳои кӯдаки дастгоҳи Ваколатдор оид ба ҳуқуқи инсон дар Ҷумҳурии Тоҷикистон тибқи Барномаи амали Ваколатдор оид ба ҳуқуқи инсон дар Ҷумњурии Тоҷикистон барои соли 2024 дар доираи амалисозии Стратегияи маќомоти Ваколатдор оид ба ҳуќуќи инсон дар Ҷумҳурии Тоҷикистон барои солњои 2021-2025 дар Муассисаи давлатии таълимии томактабии ширхоргоҳ- кўдакистони №и 89 шаҳри Душанбе санҷиш гузарониданд.
Санҷиши шароити таълиму тарбия нишон медиҳад, ки дар муассиса ҳуҷраҳои гузаронидани машғулиятҳо, ҷойи хоб, ҳуҷраи ёрии тиббӣ, равоншинос, ошхона, толори мусиќӣ, майдончаи варзишӣ, айвончаҳо барои гузаронидани чорабинињои фарњангї-фароғатӣ ба талаботи санитарию гигиенӣ ҷавобгу мебошанд.
Зимни санҷиш бо мураббиён ва кўдакон суҳбату пурсишҳо гузаронида шуд. Ҳангоми суҳбату пурсишҳо кӯдакон аз муносибати мураббиён бо онҳо, таъминоти кофии хӯрока, муносибат байни якдигар, гузаронидани чорабиниҳои фарҳангию фароғатӣ, шароит ва хизматрасонӣ дар кўдакистон изҳори қаноатмандӣ намуданд. Ин аз он шаҳодат медиҳад, ки роҳбарият ва мураббиён корҳои тарбиявиро дар байни кўдакон хуб ба роҳ мондаанд.
Дар маҷмуъ натиҷаи омӯзиш нишон дод, ки дастрасии кӯдакон ба тањсил, њифзи саломатї ва истироҳату фароғат дар муассиса хуб ба роҳ монда шуда, вайроншавии ҷиддии ҳуқуқи кўдак ба ќайд гирифта нашуд.
Пас аз анҷоми санҷиш бо роҳбарияти Муассиса суҳбат гузаронида шуда, ҷиҳати бартараф намудани камбудиву норасоиҳои ошкоршуда тавсияҳои дахлдор пешниҳод карда шуд.
