Дар доираи чорабиниҳо бахшида ба ҳафтаи ҳуқуқи инсон дар мақомоти Ваколатдор оид ба ҳуқуқи инсон рӯзи 8 декабр дар мавӯи “Ҳифзи ҳуқуқҳои кӯдакон-ҷабрдидагон ва шоҳидони ҷиноят” тренинг баргузор гардид.
Чорабиниҳои мазкурро Ваколатдор оид ба ҳуқуқи кӯдак дар ҳамкорӣ бо Ташкилоти ҷамъиятии “Ташаббуси ҳуқуқӣ” барои кормандони Раёсати пешгирии ҳуқуқвайронкунӣ дар байни ноболиғон ва ҷавонони Вазорати корҳои дохилии Ҷумҳурии Тоҷикистон, Қабулгоҳ-тақвилгоҳи ноболиғони Раёсати пешгирии ҳуқуқвайронкунӣ дар байни ноболиғон ва ҷавонони Вазорати корҳои дохилии Ҷумҳурии Тоҷикистон, ШВКД ноҳияҳои ш.Душанбе, Котибони комиссияҳои ҳуқуқи кӯдаки мақомоти иҷроияи ҳокимияти давлатии ноҳияҳои ш.Душанбе доир намуд.
Масъалаҳои вобаста ба принсипҳои калидиибунёдии ҳуқуқи кӯдак дар робита бо ҳифзи кӯдакони ҷабрдида ва шоҳидони ҷиноят, механизмҳои ҳифзи ҳуқуқҳои ин кӯдакон, ҷанбаҳои психологии кор бо кӯдакони ҷабрдида ва шоҳидони ҷиноят мавриди омӯзиш ва баррасӣ қарор дода шудаанд.
Тренинг рӯзи 9 декабр идома меёбад.
