3 августи соли 2017 дар толори Ваколатдор оид ба ҳуқуқи инсон воқеъ дар ш. Душанбе, к. Ҷ. Икромӣ – 7 нишасти матбуотӣ оид ба натиҷаҳои шаш моҳи фаъолияти мақомоти Ваколатдор оид ба ҳуқуқи инсон дар нимсолаи якуми соли 2017 баргузор гардид.
Дар нишасти матбуотӣ Ваколатдор оид ба ҳуқуқи инсон, Ваколатдор оид ба ҳуқуқи кӯдак, Сардори Раёсати кафолатҳои ҳукуки инсони Дастгоҳи иҷроияи Ҷумҳурии Тоҷикистон инчунин кормандони масъули Дастгоҳи Ваколатдор оид ба ҳуқуқи инсон ва намояндагони ВАО иштирок намуданд
Нахуст Ваколатдор оид ба ҳуқуқи инсон дар Ҷумҳурии Тоҷикистон Зариф Ализода меҳмонон ва ҳозиринро хайрамақдам намуда, сипас оид ба натиҷаҳои шаш моҳи фаъолияти мақомоти Ваколатдор оид ба ҳуқуқи инсон дар соли 2017 маълумоти мухтасар пешниҳод намуданд.
Зимни баромади хеш Ваколатдор оид ба ҳуқуқи инсон аз дастовардҳои Ҷумҳурии Тоҷикистон дар самти риоя, эҳтиром, ҳимоя ва ҳифзи ҳуқуқи инсон сухан ронда, қайд намуданд, ки мақомоти Ваколатдор оид ба ҳуқуқи инсон фаъолияти худро дар асоси Қонуни Ҷумҳурии Тоҷикистон «Дар бораи Ваколатдор оид ба ҳуқуқи инсон дар Ҷумҳурии Тоҷикистон» ба роҳ монда, дар нимолаи якуми соли 2017 вобаста ба самтҳои асосии фаъолият барои ҳифз ва пешрафти ҳамаҷонибаи ҳуқуқу озодиҳои инсон корҳои мушаххасро ба анҷом расонид.
Ваколатдор оид ба ҳуқуқи инсон зимни суханронии худ оид ба самтҳои афзалиятноки фаъолияти мақомот, рушди ҳамкориҳо бо мақомоти давлатӣ, созмонҳои байналмилалӣ ва ташкилотҳои ғайридавлатӣ ба рӯзноманигорон маълумот дода, оид ба нақшаҳои ояндаи мақомоти Ваколатдор оид ба ҳуқуқи инсон фикру андешаҳои худро баён намуданд.
Дар идомаи нишасти матбуотӣ аз ҷониби рӯзноманигорон вобаста ба самтҳои гуногуни ҳуқуқ ва озодиҳои инсон дар Ҷумҳурии Тоҷикистон саволҳо ва таклифу пешниҳодҳо баён карда шуданд. Ба саволҳои рӯзноманигорон аз тарафи Ваколатдор оид ба ҳуқуқи инсон ва Ваколатдор оид ба ҳуқуқи кӯдак ҷавобҳои муфассал ва қонеъкунанда дода шуданд.
Дар интиҳои нишасти матбуотӣ Ваколатдор оид ба ҳуқуқи инсон рӯзноманигоронро ба ҳамкориҳои судманд даъват намуданд.
ВАРАҚАИ ИТТИЛООТӢ ОИД БА ФАЪОЛИЯТИ ВАКОЛАТДОР ОИД БА ҲУҚУҚИ ИНСОН ДАР НИМСОЛАИ ЯКУМИ СОЛИ 2017
