Санаи 26 майи соли ҷорӣ намояндагони мақомоти Ваколатдор оид ба ҳуқуқи инсон дар Ҷумҳурии Тоҷикистон дар ҳамбастагӣ бо кормандони Филиали ташкилоти ғайритиҷоратӣ, байналмилалии башардустонаи “Good neighbors” дар Тоҷикистон, масъулини раёсати маорифи шаҳри Ваҳдат ва котиби мақомоти васояту парастории Мақомоти иҷроияи маҳалии ҳокимияти давлатии шаҳри Ваҳдат дар ҳошияи “Рӯзи байналмилалии ҳифзи кӯдакон” дар чорабиниҳои баргузорнамудаи МТМУ №4 ва № 13 шаҳри Ваҳдат ширкат варзиданд.
Зимни чорабиниҳо Низомов А.Б.- муовини сардори шуъбаи њифзи давлатии њуќуќњои кўдак ва Саидов Д.К.- мутахассиси пешбари шуъбаи мазкур хонандагонро аз номи Ваколатдор оид ба ҳуқуқи инсон ва Ваколатдор оид ба ҳуқуқи кӯдак ба муносибати “Рўзи байналмилалии њифзи кӯдакон” табрику таҳният гуфта, вобаста ба ҳуқуқу озодӣ ва уҳдадориҳои онҳо, хатарҳои ҷаҳони муосир ва таваҷҷуҳи махсуси роҳбарияти давлату Ҳукумати ҷумҳурӣ нисбати кӯдакон суханронӣ намуданд.
Хонандагони муассисаҳои таълимии болозикр бо ташкили чорабиниҳои фарҳангӣ, аз қабили саҳначаҳои тарбиявӣ, суруду мусиқӣ, маърӯзаву баромадҳо ҳамоишҳои идонаро боз ҳам рангинтар карданд.
Низомов А.Б.,
Муовини сардори шуъбаи
ҳифзи давлатии ҳуқуқҳои
кӯдаки Дастгоҳи ВҲИ ҶТ
