ПАХШ / ХОМӮШ: АКСҲО: ҲУРУФ: A A A ПАСНАМО: Ц Ц Ц Ц

Ваколатдор оид ба ҳуқуқи кӯдак
дар Ҷумҳурии Тоҷикистон

МЕНЮ
24
апрели
2020

Филми телевизионии «Осимӣ» барандаи ҷои аввали Ҷоизаи байналмилалии «Annie Award» гардид

ДУШАНБЕ, 24.04.2020 /АМИТ «Ховар»/. Филми коргардони амрикоӣ Крис Шуллер — «Осимӣ» дар бахши филмҳои телевизионӣ дар Амрико сазовори  зинаи аввали Ҷоизаи байналмилалии «Annie Award» гардид. Филми мазкур дар бораи зиндагӣ ва фаъолияти  давлатию ҷамъиятии яке аз арбобони барҷастаи давлатию ҷамъиятӣ, шахсияти бузурги миллати тоҷик, файласуф, шарқшиноси маъруф, академик Муҳаммад Осимӣ (1920-1996) нақл мекунад. Ин филм ду сол муқаддам аз ҷониби  коргардони амрикоӣ Крис Шуллер  дар Душанбе, Хуҷанд ва дигар шаҳрҳои Осиёи Марказӣ бо санъати баланди филмофарӣ ба навор гирифта  шудааст. Филми «Осимӣ» бо забони англисӣ  ва бо зерматни (титри) тоҷикӣ, форсӣ, русӣ ва испанӣ таҳия гардидааст.
 
 
Сазовори  ҷои аввали Ҷоизаи байналмилалии «Annie Award» гардидани филми телевизионии «Осимӣ» дар ҳолест, ки моҳи сентябри соли равон дар Тоҷикистон 100-солагии  академик Муҳаммад Осимӣ ҷашн  гирифта мешавад.
 
Муҳаммад Сайфиддинович Осимӣ муддати 23 сол  Президенти Академияи фанҳои Ҷумҳурии Тоҷикистон,  аъзо-корреспонденти Академияи  фанҳои Иттиҳоди Шӯравӣ, аъзои ҳақиқии Академияи фанҳои ҷумҳурӣ буд. Доктори илми фалсафа, профессор Муҳаммад Осимӣ 1 сентябри соли 1920 дар шаҳри Хуҷанд  таваллуд шуда, соли 1941 шуъбаи физикаю математикаи Донишгоҳи давлатии ба номи Алишер Навоии шаҳри Самарқандро муваффақона  хатм намуда, аз соли 1941 то соли 1946 дар сангарҳои набард зидди истилогарони фашистӣ иштирок намудааст. Солҳои 1952-1955 дар аспирантураи Академияи илмҳои ҷамъиятшиносии назди Кумитаи Марказии Ҳизби  Коммунисти Иттиҳоди Шӯравӣ таҳсил намуда, дар соҳаи фалсафа рисолаи номзадӣ ҳимоя мекунад. Соли 1966 нахустин ректори Институти политехникии Тоҷикистон таъйин шуда, дар рушду нумуи ин боргоҳи илм хизматҳои шоиста мекунад.
 
Муҳаммад Осимӣ соли 1965 президенти Академияи фанҳои Тоҷикистон интихоб  гардида, дар тарҷумаи тоҷикии китобҳои дарсии физика, геометрия, астрономия, асосҳои фалсафаи марксистӣ-ленинӣ низ хизмати босазо кардааст. Муҳаммад Осимӣ ходими давлатӣ ва ҷамъиятӣ, инчунин депутати Шӯрои Олии СССР, аъзои КМ Ҳизби Коммунистии Тоҷикистон, раиси Кумитаи давлатии Ҷоизаи ба номи Абӯалӣ ибни Сино, Раиси ҷамъияти «Дониш»-и ҷумҳурӣ, раиси Кумитаи шӯрои омӯзиши тамаддуни Осиёи Марказӣ дар назди ЮНЕСКО, аъзои хориҷии ҳайати таҳририяи маҷаллаи «Таърихи илми араб»-и Донишгоҳи шаҳри Ҳалаби Сурия буд.
 
Академик Муҳаммад Осимӣ барои хизматҳои шоён дар назди халқу ватан бо ордени Ленин, ду ордени «Байрақи Сурхи Меҳнат», орденҳои «Револютсияи Октябр», «Ситораи сурх», «Нишони фахрӣ», «Барои меҳнати шуҷоатнок» мукофотонида шудааст. Ҳамзамон Муҳаммад Осимӣ дар таъсису ташаккули Донишгоҳи техникии Тоҷикистон, ки нахустин ректори ин даргоҳи маърифат буд, саҳми босазо гузоштааст. Аз ин рӯ соли  1997 Донишгоҳи техникии Ҷумҳурии Тоҷикистон ба номи Муҳаммад Осимӣ гузошта шуд.
 

Эмомалӣ Раҳмон

Сухани Президент-3 Сухани Президент-4 Сухани Президент-5 Сухани Президент-6 Сухани Президент-1 Сухани Президент-2 Сухани Президент-7

Сухани Президент-3

Бо мақсади таъмини ҳифзи ҳуқуқи кӯдак дар Ҷумҳурии Тоҷикистон пешниҳод менамоям, ки институти Ваколатдор оид ба ҳуқуқи кӯдак таъсис дода шавад. Э.Раҳмон

Сухани Президент-4

Таълиму тарбияи кӯдакону наврасон яке аз масъалаҳои муҳими сиёсати иҷтимоии давлат ба ҳисоб меравад. Э.Раҳмон

Сухани Президент-5

Агар мо хоҳем, ки Тоҷикистонро дар оянда ободу осуда гардонем, имрўз бояд барои наврасону ҷавонони соҳибистеъдоди ҷўянда шароит фароҳам оварем. Э.Раҳмон

Сухани Президент-6

Воқеан, кӯдакон ояндаи осудаву ободи ҳар як миллат, сарвати бебаҳои ҳар як оила, ҷомеа ва давлат ба шумор мераванд ва онҳо бахту саодати рӯзгори ҳар як падару модар мебошанд. Э.Раҳмон

Сухани Президент-1

Кӯдакони имрӯза фардо ҳамчун насли ватандӯст ва номбардори Тоҷикистони азизамон ба воя мерасанд. Э.Раҳмон

Сухани Президент-2

Имрӯз барои таълиму тарбияи кӯдакону наврасон тамоми шароит муҳайё гардидааст. Э.Раҳмон

Сухани Президент-7

Наврасону ҷавонони моро зарур аст, ки ба қадри сулҳу оромӣ, суботи сиёсӣ ва истиқлолу озодӣ расанд ва ҳамчун насли ояндасоз ба хотири ҳифзу таҳкими дастовардҳои он саъю талош намоянд. Э.Раҳмон

Назарпурсӣ

Агар кӯдак ба талбандагӣ машғул шавад, кӣ кунаҳкор аст?

girl boy

Омодакунандаи сомона DarAmal