ДУШАНБЕ, 18.06.2020 /АМИТ «Ховар»/. Бахшида ба Рӯзи Ваҳдати миллӣ 25 июни соли равон бо ташаббуси Ташкилоти ҷамъиятии «Пайравони Пешвои миллат» дар шаҳри Душанбе ҳамоиши ҷумҳуриявии ҷавонон таҳти унвони «Бо Пешвои ваҳдатофарам ифтихор мекунам!» баргузор мегардад.
Тавре аз ташкилоти ҷамъиятии «Пайравони Пешвои миллат» Каримҷон Салимзода ба АМИТ «Ховар» хабар дод, мақсад аз баргузор намудани ҳамоиши мазкур ташаккули арконҳои Ваҳдати миллӣ миёни насли ҷавон, расидан ба қадри оромиву осудагӣ ва пеш аз ҳама ёдоварӣ аз хизматҳои шоёни Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар раванди барқарорсозии Ваҳдату ягонагӣ дар Тоҷикистон мебошад.
Ҳамчунин дар доираи баргузории ҳамоиши ҷумҳуриявӣ аз ҷониби аъзоёни Ташкилоти ҷамъиятии «Пайравони Пешвои миллат» муроҷиатномаи ба Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон қабул мешавад.
Акс аз бойгонии АМИТ «Ховар»
