ПАХШ / ХОМӮШ: АКСҲО: ҲУРУФ: A A A ПАСНАМО: Ц Ц Ц Ц

Ваколатдор оид ба ҳуқуқи кӯдак
дар Ҷумҳурии Тоҷикистон

МЕНЮ
3
июни
2020

Дар мувофиқа бо Ҳукумати Тоҷикистон барои 500 нафар кӯдакони ятим кумакпулии ҳармоҳа дар ҳаҷми $100 таъин карда мешавад

ДУШАНБЕ, 02.06.2020. /АМИТ «Ховар»/.  Дар мувофиқа бо  Ҳукумати Ҷумҳурии Тоҷикистон аз ҷониби Ҷамъияти Ҳилоли Аҳмари Тоҷикистон барои 500 нафар кӯдакони ятим кумакпулии ҳармоҳа таъин карда мешавад, хабар медиҳад АМИТ «Ховар» бо истинод ба маркази иттилоотии Ҷамъият.
 
 
Мувофиқи созишномаи ҳамкорӣ байни Ҷамъияти Ҳилоли Аҳмари Тоҷикистон ва Маркази Шоҳ Салмон оид ба имдод ва корҳои башардӯстонаи Шоҳигарии Арабистони Саудӣ аз 4 феврали соли 2020 нисбат ба як нафар ятим дар як моҳ 100 доллари ИМА, бо дарназардошти қурби асъори миллӣ дар рӯзи пардохт, кумакпулӣ муқаррар карда шудааст.
 
Хотиррасон мешавем, ки тибқи қурби муайяннамудаи Бонки миллии Тоҷикистон ба ҳолати 2 июни соли равон, 100 доллари ИМА 1027 сомониро ташкил медиҳад. Муҳлати фаъолияти лоиҳа тибқи созиши ҷонибҳо як солро дар бар мегирад.
 
Бино ба иттилои манбаъ, мутобиқи санади баимзорасида миёни ҷонибҳо 500 нафар ятиме, ки дар хона зери тарбияи хешовандони наздик ба тарбия фаро гирифта шудаанд, аз шаҳру ноҳияҳои Кӯлоб, Восеъ, Бохтар, Кушониён, Вахш, Левакант, А. Ҷомӣ, Шаҳритуз, Норак, Ёвон, Дустӣ, Хуросон, Ҷ. Балхӣ, Панҷ, Қубодиён ва Ҷайҳун дар ҳамкорӣ бо мақомоти иҷроияи ҳокимияти давлатии шаҳру ноҳияҳои зикргардида интихоб карда шуданд.
 
Маблағи кумакпулӣ ба ятимон тавассути Бонки давлатии амонатгузории Ҷумҳурии Тоҷикистон «Амонатбонк» ба суратҳисоби ятимон ҳармоҳ интиқол дода мешавад.
 
Қобили зикр аст, маблағи зирггардида барои таъмини ҳифзи саломатии ятимон, маводи хурока ва ашёву асбоби хониши онҳо аз тарафи сарпарастони онҳо масраф карда мешавад.
 
Ҷамъияти Ҳилоли Аҳмари Тоҷикистон дар партави дастуру супоришҳои Ҳукумати Ҷумҳурии Тоҷикистон ҷиҳати дастгирии кӯдакони бепарастор пайваста кӯшиш менамояд. Ҳамин тавр, моҳи апрели соли равон аз ҷониби Ҷамъият ба муассисаи давлатии тақсилоти умумии асосӣ — мактаб-интернати №1 барои кӯдакони ятими шаҳри Душанбе  35 бастаи маводҳои хӯрока ва 35 бастаи гигиенӣ, муассисаи давлатии хонаи кӯдакони №1 барои кӯдакони ятиму бепарастори шаҳри Душанбе — 15 бастаи маводҳои хӯрока ва 15 бастаи гигиенӣ, муассисаи давлатии таҳсилоти миёнаи умумии махсус барои ношунавоёни шаҳри Душанбе — 25 бастаи маводҳои хӯрока ва 10 бастаи гигиенӣ ҳамчун кумак дастрас карда шуданд. Инчунин, дар ҳамин давра ба ниёзмандони шаҳру ноҳияҳои Кӯлоб, Роғун, Восеъ, Рашт, Сангвор ва Файзобод маводи хурока дастрас гардид. Як баста маводи хӯрока барои як оила аз 50 кг орд, 5 литр равғани растанӣ, 3 кг биринҷ, 3 кг шакар, 3 кг макарон, 0,5 кг чойи хушк, 3 кг донагиҳо аз ҷумла, лӯбиё, нахӯд, мош, марӯумак ва 1 кг намак иборат мебошад.
 
20190426 100304 150x150
 
20190702 140814 150x150
 

Эмомалӣ Раҳмон

Сухани Президент-3 Сухани Президент-4 Сухани Президент-5 Сухани Президент-6 Сухани Президент-1 Сухани Президент-2 Сухани Президент-7

Сухани Президент-3

Бо мақсади таъмини ҳифзи ҳуқуқи кӯдак дар Ҷумҳурии Тоҷикистон пешниҳод менамоям, ки институти Ваколатдор оид ба ҳуқуқи кӯдак таъсис дода шавад. Э.Раҳмон

Сухани Президент-4

Таълиму тарбияи кӯдакону наврасон яке аз масъалаҳои муҳими сиёсати иҷтимоии давлат ба ҳисоб меравад. Э.Раҳмон

Сухани Президент-5

Агар мо хоҳем, ки Тоҷикистонро дар оянда ободу осуда гардонем, имрўз бояд барои наврасону ҷавонони соҳибистеъдоди ҷўянда шароит фароҳам оварем. Э.Раҳмон

Сухани Президент-6

Воқеан, кӯдакон ояндаи осудаву ободи ҳар як миллат, сарвати бебаҳои ҳар як оила, ҷомеа ва давлат ба шумор мераванд ва онҳо бахту саодати рӯзгори ҳар як падару модар мебошанд. Э.Раҳмон

Сухани Президент-1

Кӯдакони имрӯза фардо ҳамчун насли ватандӯст ва номбардори Тоҷикистони азизамон ба воя мерасанд. Э.Раҳмон

Сухани Президент-2

Имрӯз барои таълиму тарбияи кӯдакону наврасон тамоми шароит муҳайё гардидааст. Э.Раҳмон

Сухани Президент-7

Наврасону ҷавонони моро зарур аст, ки ба қадри сулҳу оромӣ, суботи сиёсӣ ва истиқлолу озодӣ расанд ва ҳамчун насли ояндасоз ба хотири ҳифзу таҳкими дастовардҳои он саъю талош намоянд. Э.Раҳмон

Назарпурсӣ

Кӯдаконро аз чӣ бояд ҳифз кард?

girl boy

Омодакунандаи сомона DarAmal