ПАХШ / ХОМӮШ: АКСҲО: ҲУРУФ: A A A ПАСНАМО: Ц Ц Ц Ц

Ваколатдор оид ба ҳуқуқи кӯдак
дар Ҷумҳурии Тоҷикистон

МЕНЮ
2
июни
2020

Боздид аз Муассисаи тарбиявии ЯС 3/12 Сарраёсати иҷрои ҷазои ҷиноятии Вазорати адлияи Ҷумҳурии Тоҷикистон

 
Рӯзи 1 июн дар саросари ҷаҳон Иди байналмилалии ҳифзи кӯдакон ҷашн гирифта мешавад. Бо мақсади табрики кӯдакон-тарбиятгирандагони Муассисаи тарбиявии ЯС 3/12 Сарраёсати иҷрои ҷазои ҷиноятии Вазорати адлияи Ҷумҳурии Тоҷикистон ва шиносоӣ бо вазъи ҳуқуқи онҳо Ваколатдор оид ба ҳуқуқи кӯдак дар Ҷумҳурии Тоҷикистон – Ҳабибуллозода Раҷабмо Ҳабибулло рӯзи 1 июни соли ҷорӣ аз муассисаи мазкур боздид ба амал овард.
 
Зимни боздид Ҳабибуллозода Раҷабмо сараввал бо роҳбарият ва ҳайати кормандони муассиса суҳбат доир намуда, сипас бо кӯдакон вохӯрд. Зимни сӯҳбат Ваколатдор тарбиятгирандагони муассисаро бо Иди байналмилалӣ табрик намуда, ба онҳо дар бораи ҳуқуқу озодиҳои кӯдакон, стандартҳои мавҷудаи миллӣ ва байналмилалӣ ва таваҷҷуҳи махсуси роҳбарияти давлату ҳукумати ҷумҳурӣ нисбати кӯдакон, хусусан ғамхориҳои пайвастаи Асосгузори сулҳу ваҳдати миллӣ – Пешвои миллат, муҳтарам Эмомалӣ Раҳмон нисбати кӯдакону ҷавонон сӯҳбати судманд намудаанд. Аз ҷумла, қайд гардид, ки тамоми кӯшишу ғайрат бояд ба он равона карда шавад, ки кӯдакон аз муассисаи мазкур бо як тафаккури солим, донишу  малака ва касбу хунар ба ҷомеа ворид гардад, чунки кӯдакон ояндаи давлату миллати мо ҳисоб мераванд.
Дар муассисаи мазкур 35 тарбиятгиранда қарор доранд. Барои кӯдакон тамоми шароити зарурии моддиву маишӣ муҳайё карда шудааст. Муассиса бо духтур ва равоншинос низ таъмин мебошад.
Ҷиҳати ҳифзи саломатии кӯдакон-тарбиятгирандагони муассиса ва пешгирии паҳншавии бемориҳои сироятӣ, аз ҷумла коронавирус – COVID – 19 чораҳои зарурӣ андешида шуда, ҳамарӯза корҳои безараркунии тамоми иншоотҳои муассиса саривақт гузаронида мешавад.
Тарбиятгирандагони муассиса бо тавсияҳои мутахассисон оид ба риояи қоидаҳои беҳдошти санитарию гигиении шахсӣ, омилҳои пешгирикунандаи пахншавии бемории сироятии COVID – 19 ва дигар бемориҳои сироятӣ аз лавҳаҳои ахборотӣ (плакатҳо), ВАО ва корҳои фаҳмондадиҳию иттилоотӣ, ки аз ҷониби кормандони масъули муассиса мунтазам гузаронида мешаванд, хабардор мебошанд. Ба тарбиятгирандагон фаҳмонида шуд, ки барои пешгирии сироятёбӣ ба ин беморӣ тавсияҳои мутахасисонро оид ба риояи қоидаҳои беҳдошти санитарию гигиенаи шахсиро риоя намудан зарур аст.
Зимни боздид барои кӯдакон микдори муайяни воситаҳои пешгирикунанда, аз қабили ниқоб ва махлулҳои антисептикӣ пешниҳод карда шуданд. Ҳамчунин ба тарбиятгирандагон ва кормандони муассиса Конвенсияи СММ оид ба ҳуқуқи кӯдак, Маърӯзаи ВҲИ ва ВҲК барои соли 2019 ва дигар санадҳо тақдим карда шуданд.
 
 IMG 3457
 
IMG 3461
Ваколатдор оид ба ҳуқуқи кӯдак бо ҳайати ҳамроҳонаш аз вазъи риояи ҳуқуқи тарбиятгирандагон ва шароити будубошти онҳо аз наздик шиносоӣ пайдо намуданд. Умуман дар муассиса дар доираи имкониятҳои мавҷуда шароити хуб муҳайё карда шудааст. Аз ҷумла, рахтҳои хоб, ҳаммом, бунгоҳи тиббӣ ба талаботи санитарӣ ҷавобгӯ буда, майдончаи варзишӣ, саҳни хавлии муассиса бо гулу буттаҳои мавсимӣ оро дода шудааст. Азнавсозии ошхонаи муассиса дар рафти анҷомёбӣ қарор дорад. 
 IMG 3470
Ваколатдор бо як қатор тарбиятгирандагон сӯҳбатҳои як ба як доир намуд. Онҳо бо шароити таълиму тарбия изҳори қаноатмандӣ намуданд. Тарбиятгирандагон иброз намуданд, ки пас аз адои ҷазо бо риояи қатъии қонун ба халқу ватани азизамон Тоҷикистон содиқонаю софдилона хизмат хоҳанд кард.
 
 

Эмомалӣ Раҳмон

Сухани Президент-3 Сухани Президент-4 Сухани Президент-5 Сухани Президент-6 Сухани Президент-1 Сухани Президент-2 Сухани Президент-7

Сухани Президент-3

Бо мақсади таъмини ҳифзи ҳуқуқи кӯдак дар Ҷумҳурии Тоҷикистон пешниҳод менамоям, ки институти Ваколатдор оид ба ҳуқуқи кӯдак таъсис дода шавад. Э.Раҳмон

Сухани Президент-4

Таълиму тарбияи кӯдакону наврасон яке аз масъалаҳои муҳими сиёсати иҷтимоии давлат ба ҳисоб меравад. Э.Раҳмон

Сухани Президент-5

Агар мо хоҳем, ки Тоҷикистонро дар оянда ободу осуда гардонем, имрўз бояд барои наврасону ҷавонони соҳибистеъдоди ҷўянда шароит фароҳам оварем. Э.Раҳмон

Сухани Президент-6

Воқеан, кӯдакон ояндаи осудаву ободи ҳар як миллат, сарвати бебаҳои ҳар як оила, ҷомеа ва давлат ба шумор мераванд ва онҳо бахту саодати рӯзгори ҳар як падару модар мебошанд. Э.Раҳмон

Сухани Президент-1

Кӯдакони имрӯза фардо ҳамчун насли ватандӯст ва номбардори Тоҷикистони азизамон ба воя мерасанд. Э.Раҳмон

Сухани Президент-2

Имрӯз барои таълиму тарбияи кӯдакону наврасон тамоми шароит муҳайё гардидааст. Э.Раҳмон

Сухани Президент-7

Наврасону ҷавонони моро зарур аст, ки ба қадри сулҳу оромӣ, суботи сиёсӣ ва истиқлолу озодӣ расанд ва ҳамчун насли ояндасоз ба хотири ҳифзу таҳкими дастовардҳои он саъю талош намоянд. Э.Раҳмон

Назарпурсӣ

Кӯдаконро аз чӣ бояд ҳифз кард?

girl boy

Омодакунандаи сомона DarAmal