ПАХШ / ХОМӮШ: АКСҲО: ҲУРУФ: A A A ПАСНАМО: Ц Ц Ц Ц

Ваколатдор оид ба ҳуқуқи кӯдак
дар Ҷумҳурии Тоҷикистон

МЕНЮ
20
марти
2020

Дар озмуни вилоятии «Ватанпарвар» дастаи ноҳияи Шуғнон пирӯз шуд

ХОРУҒ, 16.03.2020 /АМИТ «Ховар»/. Дар байни хонандагони синфҳои болоии муассисаҳои таҳсилоти миёнаи умумии Вилояти Мухтори Кӯҳистони Бадахшон дар ҳамкорӣ бо Маркази таҳсилоти иловагии вилоят дар қисми низомии 01123, мустақар дар шаҳри Хоруғ даври ниҳоии  озмуни «Ватанпарвар» баргузор гардид.
 
 
Сардори Маркази таҳсилоти иловагии вилоят Ниёзмамад Мамадёзов  гуфт, ки мақсад аз баргузории озмуни мазкур — ин дар дили наврасон бедор кардани ҳисси ватандорӣ, ҳимояи марзу буми ватан ва ба хизмати Модар-Ватан омода кардани насли наврас мебошад. Дастаҳо аз  рӯи шартҳои сафороӣ, гузашти низомӣ, тарбияи бадан, аз ҳам ҷудо ва пайваст намудани силоҳи худкори Калашников, ба рӯ кашидани ниқоби газӣ, бандкашӣ, гурзбардорӣ ва таҳияи варақаи ҳарбӣ-ватандӯстӣ  сабқат карданд.
 
Дастаи мунтахаби ноҳияи Шуғнон дар иҷрои ҳамаи шартҳо нисбат ба ҳамсолони худ бартарӣ нишон дод. Таваҷҷуҳи ҳакамонро аз ҳама бештар мазмуну моҳият ва ороиши  варақаи ҳарбӣ-ватанпарварӣ ба худ ҷалб кард. Ба гуфтаи ҳакамон, ба таҳияи варақаи ҳарбӣ-ватандӯстӣ дар қисмҳои низомӣ ҳам ҳайати фармондеҳӣ ва ҳам сарбозону афсарон аҳамияти ҷиддӣ медиҳанд. Зеро ин варақаҳо барои баланд бардоштани рӯҳияи ватандӯстӣ, ва нангу номуси ватандорӣ нақши муассир доранд.
 
Ҳакамон аз миёни афсарони ин қисми низомӣ интихоб шудаанд. Онҳо ба малакаву маҳорати наврасон баҳои баланд  дода, изҳор доштанд, ки дар симои ин наврасон дар оянда сарбозону афсарони босаводу боирода  ва далеру фидокорро мебинанд.
 
Ҳамин тариқ, ҷои аввал насиби дастаи мунтахаби ноҳияи Шуғнон гардид. Ба ғолиби озмуни вилоятӣ ифтихорнома ва мукофоти пулӣ дар ҳаҷми 500 сомонӣ супурда шуд. Ҷои дуюму сеюмро дастаҳои ноҳияи Роштқалъа ва ноҳияи Рӯшон ишғол намуданд. Ҳарду даста низ бо ифтихорнома ва мукофоти пулӣ сарфароз гаштанд.
 
Бо ҳамин озмуни вилоятии «Ватанпарвар» анҷом ёфт ва дастаи ғолиб ба озмуни ҷумҳуриявӣ роҳхат ба даст овард. Ҳайати фармондеҳии қисми низомии 01123 ва намояндагони Маркази таҳсилоти иловагии вилоят изҳори умедворӣ намуданд, ки  дастаи ғолиб дар озмуни ҷумҳуриявӣ низ аз худ маҳорату истеъдоди баланд нишон дода, дар мақоми ифтихорӣ ҷой мегирад.
 
ozmun kopiya 768x390
 
ozmun3 kopiya 768x429

Эмомалӣ Раҳмон

Сухани Президент-3 Сухани Президент-4 Сухани Президент-5 Сухани Президент-6 Сухани Президент-1 Сухани Президент-2 Сухани Президент-7

Сухани Президент-3

Бо мақсади таъмини ҳифзи ҳуқуқи кӯдак дар Ҷумҳурии Тоҷикистон пешниҳод менамоям, ки институти Ваколатдор оид ба ҳуқуқи кӯдак таъсис дода шавад. Э.Раҳмон

Сухани Президент-4

Таълиму тарбияи кӯдакону наврасон яке аз масъалаҳои муҳими сиёсати иҷтимоии давлат ба ҳисоб меравад. Э.Раҳмон

Сухани Президент-5

Агар мо хоҳем, ки Тоҷикистонро дар оянда ободу осуда гардонем, имрўз бояд барои наврасону ҷавонони соҳибистеъдоди ҷўянда шароит фароҳам оварем. Э.Раҳмон

Сухани Президент-6

Воқеан, кӯдакон ояндаи осудаву ободи ҳар як миллат, сарвати бебаҳои ҳар як оила, ҷомеа ва давлат ба шумор мераванд ва онҳо бахту саодати рӯзгори ҳар як падару модар мебошанд. Э.Раҳмон

Сухани Президент-1

Кӯдакони имрӯза фардо ҳамчун насли ватандӯст ва номбардори Тоҷикистони азизамон ба воя мерасанд. Э.Раҳмон

Сухани Президент-2

Имрӯз барои таълиму тарбияи кӯдакону наврасон тамоми шароит муҳайё гардидааст. Э.Раҳмон

Сухани Президент-7

Наврасону ҷавонони моро зарур аст, ки ба қадри сулҳу оромӣ, суботи сиёсӣ ва истиқлолу озодӣ расанд ва ҳамчун насли ояндасоз ба хотири ҳифзу таҳкими дастовардҳои он саъю талош намоянд. Э.Раҳмон

Назарпурсӣ

Оид ба таҳсили кӯдакони маъюб бо ҳамсолонашон дар муассисаҳои таълимии ҳамагонӣ чӣ ақида доред?

girl boy

Омодакунандаи сомона DarAmal